کھرمنگ میں واقع منٹھوکھا بجلی گھر دو ہفتوں سے بند، نمائندہ بے خبر

کھرمنگ میں واقع منٹھوکھا بجلی گھر دو ہفتوں سے بند، نمائندہ بے خبر

8 views
0
Share on FacebookTweet about this on TwitterShare on LinkedInPin on PinterestShare on Google+

کھرمنگ (محمد حسین) بلتستان کے علاقے سب ڈویثرن کھرمنگ میں واقع منٹھوکھا بجلی گھر پچھلے دو ہفتے سے بند، غاسنگ سے ہلال آباد تک کی اکثر آبادی بجلی سے محروم۔

اطلاعات کے مطابق موضع منٹھوکھا میں واقع ایک اہم بجلی گھر جس سے غاسنگ سے ہلال آباد تک کی کثیر آبادی کو بجلی مہیا کی جاتی تھی، پچھلے دو ہفتوں سے بند ہے، لیکن حکام، اور خصوصا، مقامی منتخب نمائندہ اس صورتحال سے بے خبر ہے۔ 

Picture kohalمقامی لوگوں کا کہنا تھا کہ منتخب نمائندہ آنے والے الیکشن کی تیاری کے سلسلے میں سیاسی جوڑ توڑ میں مصروف ہے۔ مقامی افراد نے الزام لگایا کہ بی ڈبلیو ڈی کے حکام اس بجلی گھر کے لیے کھودے گئے نہر کو اپ گریڈ کرنے کے نام پر ہر سال لاکھوں روپے ہضم کر جاتےہیں لیکن اب تک کوہل کو مضبوط نہیں بنایا جاسکا ہے۔ لوگوں نے الزام لگایا کہ ناقص میٹیریل استعمال کرنے کے سبب ہر سال گرمی اور سردی دونوں موسموں میں اس کوہل میں شگاف پڑھ جاتا ہے جو بعد میں ٹوٹ کر پانی کی ترسیل کو منقطع کردیتا ہے۔

علاقے کے عوام نے مطالبہ کیا ہے کہ کہ اس پورے علاقے کو مہدی آباد اور طولتی سے بجلی کی مستقل سپلائی دی جائے ورنہ عوام مجبور ہو کر سکردو اولڈینگ روڈ کو بجلی بحال ہونے تک بند کرنے پر مجبور ہوںگے۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔