چین وادی ہنزہ میں بجلی کا بحران حل کرے گا، یانگ جامن

چین وادی ہنزہ میں بجلی کا بحران حل کرے گا، یانگ جامن

1 views
0
Share on FacebookTweet about this on TwitterShare on LinkedInPin on PinterestShare on Google+
ہنزہ نگر ( بیورو رپورٹ ) سوست ڈرائی پورٹ کے چیر مین یانگ جامن نے کہا ہے کہ اسپیکر گلگت بلتستان وزیر بیگ اور ظفر اقبال کا گزشتہ دنوں سوست ڈرائی پورٹ میں چینی خاتون پر ہاتھ اٹھانا اور انہیں دھکا دینانہایت ہی افسوس کی بات ہے ۔ انھوں نے مزید کہا کہ پورٹ میں زبردستی  تالا توڑ کر گھس جانا ایک غیر قانونی اور غیر اخلاقی حرکت ہے۔ اس سے نہ صر ف عوام ہنزہ کی توہین  ہوئی ہے بلکہ پاک چین دوستی خراب کرنے کی سازش کی ہے۔ یاد رہے کہ ظفر اقبال اور وزیر بیگ پہلے ہی ان الزامات کی تردید کر چکے ہیں.
یانگ جامن چیرمین سوست ڈرائی پورٹ نے مزید کہا کہ ہنزہ اور چین کا رشتہ گزشتہ 9سو سالوں سے وابسطہ ہے انھوں نے کہا کہ ہنزہ کو میں اپنا دوسرا گھر سمجھتا ہوں یہاں کی عوام کی مشکلات ہماری مشکلات ہیں، ہم ان کی مشکلات کو حل کرنے کی کوشش کرینگے۔ پچھلے 35سالوں اس علاقے سے منسلک ہوں۔انھوں نے مزید کہا کہ سوست ڈرائی پورٹ بنانے میں میر غضنفر علی خان ، رانی عتیقہ اور ان کی فیملی کا اہم کردار ہے۔سوست ڈرائی پورٹ کی اہمیت اتنی ہے کہ اس کے معاہدے پر اس وقت کے وزیر اعظم شوکت عزیز ، چائینز سفارت کار کے سفیرکے سامنے میر غضنفر علی خان کے ساتھ دستخط ہوے. یانگ جامن نے ہنزہ میں بجلی کی بحران کے حوالے سے بات کرتے ہوئے کہا کہ بہت جلد ہنزہ کے عوام کو بجلی کے لوڈ شیڈنگ ختم کرنے میں اپنا کردار ادا کرینگے، جبکہ ہنزہ سے مختلف قسم کی میوہ جات، چائینز زبان سیکھنے اور طلباء کو سکالزشب فراہم کرنے کا بھی یقین دہانی کرایا۔
اس سے قبل میر غضنفر علی خان سابق چیف ایگز یکٹو گلگت بلتستان نے چائینہ سے آئے وفد کو ہنزہ کے مشکلات سے آگا کرتے ہوئے کہا ہنزہ میں بجلی کی نہایت ہی بحران کا سامنا ہے اس بحران کو ختم کرنے میں ہماری مدد کرے تاکہ ہمارے عوام اور سیاحت کو مزید فروغ ملی گی ۔میر غضنفر علی خان نے مزید کہا کہ ہنزہ میں مختلف قسم کے ذائقہ دار خشک میوہ جات ، دنیا میں مشہور ہنزہ کے چیری کو چائینہ برآمد کرنے میں اپنا کردار ادا کرے۔اس موقع پر رانی عتیقہ غضفر علی خان نے کہا کہ کہ ہنزہ میں تعلیم ، صحت کے موق فراہم کرے تاکہ گلگت بلتستان کے عوام اس جدید دور میں معیاری تعلیم حاصل کرسکے تاکہ علاقے سے بے روز گاری کا خاتمہ ممکن ہوسکے۔ یانگ جامن اور اور ہمراہ آئے ہوئے وفد نے میر غضنفر علی خان اور ان وفد کو چائینہ دورہ کرنے کی دعوت دی۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

لکھاری کے بارے میں

پامیر ٹائمز

pamir.times@gmail.com

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔