چترال: دروش کے متاثرین زلزلہ کے مطالبات منظور نہ ہونے پر وزیر اعظم ہاؤس کے سامنے خود سوزیکی دھمکی

چترال: دروش کے متاثرین زلزلہ کے مطالبات منظور نہ ہونے پر وزیر اعظم ہاؤس کے سامنے خود سوزیکی دھمکی

11 views
0
Share on FacebookTweet about this on TwitterShare on LinkedInPin on PinterestShare on Google+

DSC07599

چترال (بشیر حسین آزاد) سب تحصیل دروش کے متاثرین زلزلہ نے وزیر اعظم پاکستان نواز شریف سے مطالبہ کیا ہے کہ متاثرین کو سروے لسٹ کے مطابق معاوضے کے چیک دے دئیے جائیں اور جن متاثرین کے نام لسٹ میں شامل نہیں ہوسکے ہیں، ان کو بھی فہرست میں شامل کرکے معاوضے کی ادئیگی یقینی بنائی جائے۔ ۔ اس وقت ہزاروں متاثرین کو کوئی معاوضہ نہیں ملاہے جس کی وجہ سے علاقے میں شدید تشویش اور مایوسی کی لہر دوڑ رہی ہےاور اس کا اظہار وہ گزشتہ نو دنوں سے دروش میں دھرنے کے ذریعے کررہے ہیں۔

دروش سے جلوس کی شکل میں چترال پریس کلب آنے کے بعد پرہجوم پریس کانفرنس سے خطاب کرتے ہوئے حسن محمد،قاری نظام الدین، عبدالباری،حاجی محترم شاہ، حاجی محمد شفا، صلاح الدین طوفان، عبدالسمیع ، خوش نوازاور دوسروں نے حکومت کو دو دن کی ڈیڈ لائن دیتے ہوئے کہاکہ اگردروش تحصیل کے متاثرین زلزلہ کے مطالبات منظور نہ ہوئے تو وہ اسلام آباد تک لانگ مارچ کرکے وزیر اعظم ہاؤس کے سامنے خود سوزی پر مجبور ہوں گے۔ انہوں نے اس بات پر افسوس کا اظہار کیا کہ دروش تحصیل کے کیسو گاؤں سے لے کر دمیڑ ارندو ،عشریت اور شیشی کوہ تک ہزاروں متاثریں زلزلہ ضلعی انتظامیہ کی نااہلی کی وجہ سے معاوضے سے محروم رہ گئے ہیں ۔

DSC07603

انہوں نے مطالبات پیش کرتے ہوئے کہاکہ سروے ٹیم کی ابتدائی لسٹ کے مطابق چیک جاری کئے جائیں اورجن لوگوں کو چیک اور امدادی سامان مل گئے ہیں اس لسٹ کو بھی نمایاں مقاما ت پر چسپان کئے جائیں اور متاثرین کے لئے ٹمبرکا خصوصی کوٹہ بھی مقرر کیا جائے تاکہ وہ اپنے گھروں کی تعمیر نو کرسکیں۔

انہوں نے کہا کہ دروش چوک میں اس وقت تک احتجاجی دھرنا جاری رہے گاجب تک متاثرین زلزلہ کے مطالبات منظور نہ ہوں ۔ انہوں نے دروش میں گزشتہ نو دنوں سے جاری دھرنے کو نظر انداز کرنے پر تمام منتخب نمائندگان کو تنقید کا نشانہ بنایا اور نائب تحصیلدار دروش کے روئیے کی بھی پرزور مذمت کرتے ہوئے ان کے خلاف کاروائی کا مطالبہ کیا۔ انہوں نے سروے کے دوسرے مرحلے میں ویلج ناظمین کو بھی شامل کرنے کا مطالبہ کیا۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔