اپریل میں چینی سرمایہ کار گلگت بلتستان کادورہ کریں گے، ترقیاتی منصوبوں کا اعلان کیا جائے گا، گورنرسے چینی وفد کی گفتگو

اپریل میں چینی سرمایہ کار گلگت بلتستان کادورہ کریں گے، ترقیاتی منصوبوں کا اعلان کیا جائے گا، گورنرسے چینی وفد کی گفتگو

6 views
0
Share on FacebookTweet about this on TwitterShare on LinkedInPin on PinterestShare on Google+

اسلام آباد(پ ر) گورنر گلگت بلتستان میر غضنفر علی خان سے پارٹ سیکریٹری آف فورن افیئرز آفس سنکیانگ WUXianاور ایگزیکٹیو ڈائریکٹر اینڈ پارٹی سیکریٹری سینٹرانز &سی ایس سی سنکیانگ YUANJianminنے ملاقات کی ۔ملاقات میں گلگت بلتستان میں چائنا کے اشتراک سے بننے والے ترقیاتی منصوبوں کے حوالے سے گفتگو ہوئی۔

گورنر گلگت بلتستان میر غضنفر علی خان نے کہا کہ چین اور پاکستان کی دوستی صدیوں سے چلی آرہی ہے اور چائنا کی حکومت پاکستان کی تعمیر و ترقی میں اپنا کردار ادا کر رہا ہے ۔گلگت بلتستان وہ علاقہ ہے جس کے ذریعے پاکستان اور چائنا کے بارڈرز ملتے ہے اور انہی بارڈرز کی وجہ سے پاکستان اور چائنا کے آپس میں اچھے تعلقات برقرار رکھے ہوئے ہیں ۔ پاک چین دوستی کو مضبوط بنانے میں گلگت بلتستان کے عوام کا اہم کردار رہا ہے اور یہاں کے عوام نے قراقرم ہائے وے بنانے کے دوران بہت ساری قربانیا ں دی ہیں ۔گورنر گلگت بلتستان نے کہا کہ گلگت بلتستان کی ترقی کے لیئے پاک چائنا اقتصادی راہداری میں ایسے منصوبوں کو شامل کرنا چاہئے جو گلگت بلتستان کے عوام کے خواہشات کے مطابق ہوں اور علاقے کو معاشی لحاظ سے مضبوط کرنے میں بھی مدد ملے ۔

گورنر گلگت بلتستان میر غضنفر علی خان کو پارٹ سیکریٹری آف فورن افیئرز آفس سنکیانگ WUXian نے کہا کہ روان سال اپریل میں چائنا کا اعلیٰ سطح کا وفدگلگت بلتستان کا تفصیلی دورہ کریگا اور گلگت بلتستان میں ترقیاتی میگا منصوبوں کا بھی اعلان کریگا ۔ گورنر گلگت بلتستان نے کہا کہ چائنا کے وفد کو ہم گلگت بلتستان میں خوش آمدید کہتے ہیں اعلیٰ سطح کے وفد کے آنے سے گلگت بلتستان اور چائنا اور سینکیانگ کے درمیان اچھے تعلقات کو فروغ ملے گا ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔