چلاس، شاہراہ قراقرم پر آئل ٹینکر اور ہائی ایس کے درمیان خوفناک ٹکر، پانچ افراد شدید زخمی ہوگئے

چلاس(مجیب الرحمان)تھانہ ون فائیو کے حدود میں شاہراہ قراقرم پر آئل ٹینکر اور ہائی ایس کے مابین تصادم پانچ افراد شدید زخمی ہوگئے۔چلاس سے راولپنڈی جانیوالی آئل ٹینکر اور سوات سے جگلوٹ آنیوالی ہائی ایس کے مابین ائر پورٹ کے آخری احاطے کی جانب شاہراہ قراقرم پر خوفناک تصادم ہوا۔جس کے نتیجے میں پانچ افراد نصراللہ جگلوٹ ،عبدالرحمان کوہستان ،حبیب چلاس،عرفان ہڈر ،حمید جگلوٹ اور اعجازالحق شدید زخمی ہوگئے۔جبکہ ہائی ایس اور ٹینکر کو بھی شدید نقصان پہنچا۔پولیس اور مقامی افراد نے فوری طور پر ریسکیو کیا اور زخمیوں کو ڈی ایچ کیو ہسپتال چلاس منتقل کر دیا۔