ہنزہ سمیت پورا گلگت بلتستان پولیو فری علاقہ ہے ، ڈپٹی کمشنر کیپٹن (ر) سمیع اللہ فاروق

ہنزہ سمیت پورا گلگت بلتستان پولیو فری علاقہ ہے ، ڈپٹی کمشنر کیپٹن (ر) سمیع اللہ فاروق

3 views
0
Share on FacebookTweet about this on TwitterShare on LinkedInPin on PinterestShare on Google+

ہنزہ (ذوالفقار بیگ ) پولیو مہم کو مضبوط اور موثر بنانے کیلئے پرنٹ میڈیا ،سوشل میڈیا ،علمائے کرام ،سماجی و سیاسی حلقوں کا کردار قابل تعریف ہیں ۔ ڈی سی ہنزہ ۔ پولیو مہم کو موثر اور مضبوط بنانے کے لئے پرنٹ میڈیا ، سوشل میڈیا ،علمائے کرام ،سماجی و سیاسی حلقوں کے شکر گزار ہیں جنہوں نے اس خطرناک بیماری کے بارے میں عوام میں شعور پیدا کیا ۔ جس کی وجہ سے ضلع ہنزہ میں پولیو مہم کو کا میاب بنانے میں مدد ملی ہے ۔

ان خیالات کا اظہار ڈپٹی کمشنر ہنزہ کیپٹن (ر)سمیع اللہ فاروق نے پولیو کے حوالے سے منعقد تقریب سے خطاب کررہے تھے اُنہوں نے پانچ سال سے کم عمر بچوں کے والدین کو مخاطب کرتے ہوئے کہاکہ اپنے بچوں کو پولیو کے قطرے ضرور پلائیں ۔تاکہ اس خطرناک بیماری سے نجات ملیں۔ اس مہم کے دوران کوئی کوتاہی برداشت نہیں کی جائے گی ۔ ہمیں خوشی ہے کہ نہ صرف ہنزہ بلکہ گلگت بلتستان اس وقت پولیو فری زون ہے ۔ مگر ایسا نہ ہو کہ فری علاقہ قرار دیکر بے احتیاطی نہ ہو ۔اس لئے محکمہ صحت ہنزہ ہوشیار رہے اور گھر گھر مہم کو ہر صورت کامیاب بنائیں ۔ڈپٹی کمشنر نے مزید کہاکہ بس اسٹینڈاور دیگر اہم پبلک مقامات پر محکمہ صحت کا عملہ تیار رہیں تاکہ سفر پر جانے والے بچے بھی اس مہم سے محروم نہ رہے۔ڈی سی نے کہاکہ پولیو ایک خطرناک بیماری ہے اس بیماری کا مقابلہ کرنے کیلئے سوسائٹی کو حصہ لینی ہوگی ۔کیونکہ بچے ہمارے مستقبل ہیں اس مہم کو عبادت سمجھ کر انجام دیں ۔ہنزہ کے عوام باشعور ہیں پولیو مہم کو قومی فریضہ سمجھ کر اپنے پانچ سال سے کم عمر بچوں کو قطرے پلائیں ۔

ڈپٹی کمشنر ہنزہ نے بچوں کو پولیو کے قطرے پلاکر باقاعدہ مہم کا آغاز کردیا ۔ڈپٹی کمشنر نے جن بچوں کو پولیو کے قطرے پلائیں اُن کو نقد فی کس ایک ایک ہزار روپے انعام بھی دے دیا ۔

تقریب سے خطاب کرتے ہوئے ڈسٹرکٹ ہیلتھ آفیسر ڈاکٹر شیر حافظ نے کہاکہ ضلع ہنزہ میں پولیو مہم میں قطرے پلانے والے تارگیٹ بچوں کی تعداد 7758 ہیں پانچ سال سے کم عمر بچوں کو پو لیو کے قطرے پلانے کے لئے ہم نے ضلعی سطح پر یونین کونسل سپر وائزر ۔تیس سے زائد موبائل ٹیمیں ،22فکسڈ سنٹرز،زونل سپُر وائزرکی تعداد چار ،ایریا انچارج تین،36موبائل ٹیمیں اور چھوتھے روز کیچ اپ ٹیمیں کام کریگی ۔نیا سال کا پہلا مہم 16جنوری سے 18جنوری تک جاری رہے گا ۔ڈی ایچ او ہنزہ نے مزید کہاکہ اللہ تعالی کا شکر ہے کہ ہم 100فیصد مہم کو کامیاب بنانے کے لئے دن رات کوشاں ہیں ۔ہماری بہت بڑی آبادی سردیوں میں پاکستان کے مختلف علاقوں میں منتقل ہوجاتے ہیں ۔ جہاں جہاں پولیو کے کیسز موجود ہیں خدانخواستہ کوئی پولیو وائرس لیکر نہ آئے ۔ پو لیو لیول کا جو سٹیٹس موجود ہے نیشنل لیول پر کہی وہ متاثر نہ ہو ۔ جب ہم اپنے بچوں کو 100فیصد پولیو کے قطرے پلائیں گے تو ہمارا مستقبل محفوظ رہے گا ۔ پولیو کے حوالے تقریب میں اسسٹنٹ کمشنرہنزہ شہریار احمد ، ڈاکٹر محمد جان ،ڈاکٹر عارف سمیت پیرامیڈیکل سٹاف کی کثیر تعدا د نے شرکت کی ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔