ہنزہ: مسلم لیگ ہنزہ میں کوئی فارورڈ بلاک نہیں، چندلوگ ٹھیکوں میں کمیشن لینے کے لئے اپنی سیاست چمکارہے

ہنزہ: مسلم لیگ ہنزہ میں کوئی فارورڈ بلاک نہیں، چندلوگ ٹھیکوں میں کمیشن لینے کے لئے اپنی سیاست چمکارہے

15 views
0
Share on FacebookTweet about this on TwitterShare on LinkedInPin on PinterestShare on Google+

ہنزہ(خصوصی رپورٹر) پاکستان مسلم لیگ ن ضلع ہنزہ کے سینئر نائب صدر مشہور عالم نے کہا ہے کہ مسلم لیگ ہنزہ کا کوئی فارورڈ بلاک نہیں ہے چندلوگ اپنے ذاتی مفادات اور ٹھیکوں میں کمیشن لینے کے لئے اپنی سیاست چمکارہے ہیں۔ ان کی صرف ہنزہ میں نہیں بلکہ اپنے گاؤں میں بھی کوئی حیثیت نہیں ہے اور ان کا اپنے گھروں میں بھی کوئی سنتا نہیں ہے ۔انہوں نے ایک بیان میں کہا ہے کہ گورنر گلگت بلتستان میر غضنفر علی خان ،رانی عتیقہ اور شاہ سلیم خان کی سربراہی میں ہنزہ دن دگنی رات چگنی ترقی کررہا ہے اور پورے ہنزہ کے ہر گاؤں حسین آباد سے لے کر چپورسن تک ترقیاتی کاموں کا جال بچھایا ہوا ہے جن میں حسین آباد میٹل روڈ ،مایون 5سو کلوواٹ پاور ہاوس ،خانہ آباد میں گورنر کی خصوصی گرانٹ سے بننے والا گراونڈ ،ناصر آباد واٹر سکیم ،علی آباد تا کریم آباد میٹل روڈ ،چپورسن روڈ اور مسگار پاور ہاوس قابل ذکر ہیں اس کے علاوہ بھی بہت سے کام پائپ لائن میں ہیں۔انہوں نے کہا کہ مخالفین چور مچائے شور کے مترادف اخبارات میں غلط بیانی کررہے ہیں اور جن لوگوں نے کرنل عبید کو سہانے خواب دیکھائے تھے ان کی وجہ سے آج کرنل عبید خوار ہورہے ہیں وگرنہ وہ آج ٹیکنوکریٹ یا رکن کونسل ہوتے۔ مشہور عالم نے مزید کہا کہ ہنزہ میں بجلی کا بحران سابقہ ادوار میں بجلی کے میگا پراجیکٹس پر کام شروع نہیں کرنے کی وجہ ہے جس کی وجہ سے پورا ہنزہ اندھیرے میں ڈوباہوا تھا لیکن گورنر اور رانی کی ذاتی کوششوں سے چایئنہ سے منگوائے گئے تھرمل جنریٹر سے بجلی کے لوڈشیڈنگ کا خاتمہ کیا جارہاہے ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔