خودکشی کا رجحان پورے گلگت بلتستان میں بڑھ رہا ہے

خودکشی کا رجحان پورے گلگت بلتستان میں بڑھ رہا ہے

18 views
0
Share on FacebookTweet about this on TwitterShare on LinkedInPin on PinterestShare on Google+

گلگت(تجزیاتی رپورٹ: کرن قاسم) خود کشیوں کی روک تھام کے لئے عملی اقدامات نہ کی وجہ سے خود کشی کا رجحان خطرناک حد تک پورے گلگت بلتستان میں بڑھنے لگا۔ این جی اوز صرف خود کشیوں کا فرضی ڈیٹا جمع کرنے میں مصروف،حکومتی کمیٹی کا قیام اپنے سر سے بات ٹالنے کی ایک ناکام کوشش ،خواتین کی فلاح و بہبود کے نام پر قائم این جی او ز کی نظریں صرف فنڈزپر، ہنگامی بنیادوں پرگھر گھر آگاہی مہم نہ چلائی گئی تو یونہی قیمتی زندگیوں کا چراغ بجھتا رہے گا۔

خودکشی کا رجحان صرف غذر کی حد تک محدود نہیں ہنزہ اسکردو دیامر کوہستان گلگت استور نگر اور دیگر تمام اضلاع میں بھی جراثیم کی طرح سرایت کر چکا ہے اورپورے گلگت بلتستان کو اپنی لپیٹ میں لے رکھا ہے۔

اصل حقائق جاننے کے لئے مختلف اضلاع میں ٹیمیں تشکیل دے کر تدارک کے لئے مربوط لائحہ عمل پر کام کرنا ہوگا۔اس مقصد کے لئے تمام اداروں کی مدد بھی لی جائے اور اسمبلی میں قانون بنایا جائے۔خود کشی کی وجوہات کو سامنے لا کر سبب بننے والوں کے خلاف قانونی کاروائی بھی عمل میں لائی جائے۔بلاشبہ خود کشی کے واقعات میں سر فہرست غذر ہے۔

بعض افرادکے مطابق خودکشی کی ایک وجہ اسلامی تعلیمات سے دوری بھی ہے۔ علماء اور مشائخ کو بھی خودکشی کے خلاف مہم چلانے کی ضرورت ہے۔خودکشی کے عوامل پر فوری قابو نہیں پایا جا سکا تو یونہی قیمتی انسانی جانیں ضائع ہونے کا اندیشہ برقرار رہے گا۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔