گلگت (پ ر) دیامر، غذر اورگلگت کے سیزنل چیک پوسٹوں کے لئے عنقریب ہائی فریکوئنسی سٹس اور ڈرون کیمرے فراہم کیے جائینگے .ان خیالات کا اظہار انسپکٹر جنرل پولیس گلگت بلتستان صابر احمد نے ہیڈ کوارٹرز میں سکیورٹی کے حوالے سے منعقدہ ایک اجلاس کے دوران کیں. انہوں نے کہا جی بی کے انٹری اور ایگزٹ پوائنٹس پر چیکنگ میں مزید بہتری لائی جائے. فارنرز اور چائنیز کی سکیورٹی پر خصوصی توجہ دی جائے.افغانیوں کو دیکھتے ہی علاقہ بدر کیا جائے.اسد آشورہ کے دوران بلتستان ریجن میں فول پروف سیکورٹی کے انتظامات کئے جائیں. آئی جی پی نے اجلاس کے دوران اہم اشخاص، سپریم اپیلٹ کورٹ، ہائی کورٹ، سیکٹریٹ ائیر پورٹس، ہسپتال اور دیگر اہم تنصیبات کی سکیورٹی کا بھی تفصیلی جائزہ لیا اور سکیورٹی پر مامور زمہ داروں کو مزید احکامات دئیے.اجلاس میں سکیورٹی سے متعلقہ تمام آفیسران نے شرکت کی.
آپ کی رائے
