ہنزہ جیمز اینڈمنرلز ایسوسی کا اجلاس، نگران وزیر اعلی سے معدنیات کے نقل حمل پر سے پابندی اٹھانے کی اپیل
ہنزہ نگر (اکرام نجمی) ہنزہ جیمز اینڈ منرلز ایسوی ایشن کاایک اہم اجلاس کریم آباد ہنزہ میں منعقد ہوا جس میں تمام ممبران و عہدادران نے شرکت کی اجلاس میں شریک ممبران نے نگران وزیر اعلی شیر جہاں میر سے اپیل کی ہے کہ علاقے میں موجود معدنیات کے نقل حمل پر پابندی کی وجہ سے اس شعبے سے منسلک افراد شدید متاثر ہیں اور کئی افراد کو بیروزگاری کا سامنا کرنا پڑ رہا ہے جس کی وجہ سے علاقے کے معشیت پر بھی منفی اثرات مرتب ہورہے ہیں ۔
اجلاس میں شریک ممبران نے نگران وزیر اعلی سے اپیل کرتے ہوئے مزید کہا کہ معدنیات کی نقل حمل پر عائد پابندی کو ختم کرکے علاقے میں موجود اس شعبے سے منسلک افراد کو معاشی بحران سے بچایا جائے تاکہ اس شعبے سے منسلک افراد کا روزگار بحال ہو اور اپنے خاندان کی کفالت کرسکے اس پابندی کے ہٹانے سے نہ صرف اس شعبے سے منسلک افراد کی بحالی ہوگی بلکہ علاقے میں بے روزگاری اور غربت کا خاتمہ ہوگا اورنگران کابینہ کا یہ قدم علاقے سے غربت کی کمی میں مددگار ثابت ہوگا ۔