چترال، مڈکلشٹ سے دروش آنے والی گاڑی حادثے کا شکار، نو افراد زخمی 

چترال، مڈکلشٹ سے دروش آنے والی گاڑی حادثے کا شکار، نو افراد زخمی 

11 views
0
Share on FacebookTweet about this on TwitterShare on LinkedInPin on PinterestShare on Google+

چترال(بشیر حسین آزاد) مڈکلشٹ سے دروش آنے والی گاڑی حادثہ کا شکار ہونے سے دو خواتین سمیت 7افراد زخمی ہوگئے۔ تفصیلات کے مطابق ٹیوٹا جیب نمبر APL-2016سواریوں کو لیکر مڈکلشٹ سے دروش آرہی تھی کہ شیشی کوہ کے گاؤں بیلہ میں حادثہ کا شکار ہوگئی جسکے نتیجے میں گاڑی میں سوار نو افراد زخمی ہو گئے جن میں ایک شدید زخمی ہے۔ٹی ایچ کیو ہسپتال دروش کے انچارچ میڈیکل آفیسر ڈاکٹر محمد یعقوب نے میڈیا سے بات چیت کرتے ہوئے تصدیق کی ہے کہ زخمیوں کو ہسپتال پہنچایا گیا ہے جنہیں فوری طبی امداد دی جارہی ہے جبکہ ان میں ایک شدید زخمی شامل ہے ۔ زخمیوں میں محمد شیر ولد ملنگی، انوار الدین ولد افسر خان، شجاع الدین ولد جندول احمد،نادر خان ولد عابد خان، نور نادر ولد نادر خان، احمد زمان ولد شیر زمان ، زار بی بی ولد شیر زمان، ازل محمد اور زوجہ ازل محمد شامل ہیں۔ زخمیوں میں نور نادر ولد نادر خان عمر 16سال کو شدید چوٹیں آئی ہیں۔

اخباری نمائندوں سے بات چیت کرتے ہوئے زخمی افراد نے بتایا کہ جائے وقوعہ میں سڑک نہایت خستہ حال ہے جوکہ حادثے کا سبب بنی ۔ انکا کہنا تھا کہ پورے ویلی کے روڈ اسی طرح ناگفتہ بہہ ہیں جو کہ موت کو دعوت دیتے ہیں۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔