چلاس: ڈپٹی کمشنر نے سپیشل برانچ کے حوالدار کو بہتر کارکردگی پر تعریفی سرٹیفیکیٹ اور نقدی انعام سے نوازا

چلاس(بیوروچیف) ڈپٹی کمشنر دیامر نے جی بی سپیشل برانچ کے حوالدار نصیر اللہ کو بہتر کارکردگی پر تعریفی سرٹیفیکیٹ اور نقدی انعام سے نوازا۔ ڈپٹی کمشنر آفس میں منعقدہ تقریب میں ڈپٹی کمشنر دیامر دلدار ملک نے مختلف لاء ان آرڈر کی صورتحال کی بروقت نشاندہی اور بہترین رپورٹنگ کرنے پر پانچ ہزار روپے نقد انعام اور تعریفی سرٹیفیکیٹ دیدیا۔ڈپٹی کمشنر دیامر نے اس موقع پر کہا کہ فرض شناسی اور ایمانداری سے ڈیوٹی سرانجام دینے والوں کی بھر پور حوصلہ افزائی ہوگی۔کام چور اور فرائض میں غفلت برتنے والوں کو گھر بھیج دیا جائے گا۔سزا جزا کے قانون پر سختی سے عملدرآمد یقینی بنایا جا رہا ہے۔۔