گلگت(خبرنگارخصوصی) پیپلزپارٹی گلگت بلتستان آرگنائزنگ کمیٹی کی اجلاس سینئر نائب صدر جمیل احمد چیئرمین آرگنائزنگ کمیٹی کی سربراہی میں ہوئی۔اجلاس میں متفقہ طور پر فیصلہ کیا گیا کہ پارٹی کی تمام ذیلی تنظیموں پیپلز سٹوڈنٹس فیڈریشن ،پیپلزیوتھ آرگنائزیشن ،خواتین ونگ گلگت بلتستان،علماء ونگ اور لیبر ونگ کے عہدوں کے امیدواروں سے 16 مارچ بروز جمعرات 12 بجے دن شاہین ہوٹل گلگت میں انٹرویو لیا جائے گااور جس کے بعد صوبائی صدر سے مشاور ت کے بعد عہدیداروں کاباقاعدہ اعلان کیا جائے گا۔اجلاس میں آرگنائزنگ کمیٹی کے تمام ممبران جنرل سیکریٹری پیپلزپارٹی گلگت بلتستان انجینئر اسماعیل ،نائب صدر بشیر احمد خان اور سیکریٹری اطلاعات سعدیہ دانش نے شرکت کی ۔آرگنائزنگ کمیٹی کی جانب سے تمام امیدواروں سے وقت کی پابندی کے ساتھ اپنی شرکت یقینی بنانے کی گزارش کی گئی ہے ۔
آپ کی رائے
