گلگت: کمانڈر ٹین کورلیفٹیننٹ جنر ل ندیم رضا نے فورس کمانڈر ناردرن ایریاز میجر جنرل ثاقب محمود ملک کے ہمراہ اگلے دفاعی مورچوں کا دورہ کیا ۔ اس موقع پرکمانڈر ٹین کورنے دفاعی انتظامات پر اطمینان کا اظہار کیااور جوانوں کے بلند حوصلے کو سراہا، جو نامساعد حالات اور موسمی سختیوں کے باوجود مملکتِ خداداد پاکستان کی حفاظت کی خاطر چاک و چوبند ہیں ۔ اس موقع پر کمانڈر ٹین کورنے بات چیت کرتے ہوئے کہا کہ ہم دشمن کو سبق سکھانا جانتے ہیں اور دشمن کی کاروائیوں کا بھرپور انداز میں جواب دیا جا رہا ہے۔
آپ کی رائے
