فیض اللہ فراق تھک نیاٹ نالہ اور دیامر کی خدمت کر رہے ہیں، عاشق اللہ سابق امیدوار قانون ساز اسمبلی

چلاس (پ،ر )سابق امیدوار قانون ساز اسمبلی عاشق اللہ نے اپنے ایک بیان میں کہا کہ مبشر نامی لڑکا میرا بھتیجا ہے فیض اللہ فراق کے حوالے سے اس کا بیان ہمارا موقف نہیں ہے وہ ایک ناسمجھ لڑکا ہے اس کے ساتھ دیگر وہ لڑکے جو پریس کانفرنس میں تھے ان کا تعلق گلگت سے ہے وہ دیامر کے نہیں ہیں۔ انہوں نے کہا کہ فیض اللہ فراق اپنی صلاحیتوں کے بنا پر آج اس مقام تک پہنچے ہیں موصوف اپنی بساط کے مطابق تھک نیاٹ نالہ اور دیامر کی خدمت کر رہے ہیں۔انہوں نے کہا کہ فیض اللہ فراق کے خلاف پس پردہ ہونے والی سازشوں کا ہم حصہ نہیں ہیں ،کچھ لوگ ہمارے بھتیجا کو بہکانے کی کوشیش کررہے ہیں ۔