صحت
ڈاکٹر زعیم ضیا ضلع ہنزہ کا ڈسٹرکٹ ہیلتھ آفیسر تعینات
ہنزہ (نمائندہ خصوصی) ڈاکٹر زعیم ضیا کو ضلع ہنزہ کا نیا ڈسٹرکٹ ہیلتھ آفیسر (ڈی ایچ او) تعینات کردیا گیا ہے۔ تفصیلات کے مطابق ڈاکٹر ضعیم ضیا، جو فل برائٹ سکالر اور امریکہ سے فارغ التحصیل ہے، کی ضلع ہنزہ میں بطور ڈی ایچ اور تعیناتی عمل میں آئی ہے۔ انہوں نے ماضی میں وفاقی وزارت صحت میں بھی خدمات سرانجام دی ہیں، اور انہیں نظام صحت کو بہتر بنانے کا وسیع عملی تجربہ حاصل ہے۔
وہ کل، دو جنوری، کو اپنے پوسٹ کا چارج سنبھالیں گے۔
عوامی حلقوں نے ڈاکٹر ضعیم کی تعیناتی کا خیر مقدم کرتے ہوے امید ظاہر کی ہے کہ وہ ضلع بھر میں صحت کی سہولیات بہتر بنانے میں اپنا کردار ادا کریں گے۔