خبریںصحت

چلاس: ڈاکٹروں کے احتجاج سے مریض رلنے لگے

چلاس (رپورٹر ) ڈسٹرکٹ ہیڈ کوارٹر ہسپتال چلاس کے ڈاکٹروں کا احتجاج شدت اختیار کر گیا ۔ احتجاج کے اگلے مرحلے میں مکمل طور پر ڈیوٹیوں کا بائیکاٹ اور پرائیویٹ کلینک بند کر دئیے جائیں گے ۔ حتجاج کے باعث سینکڑوں مریض رلنے لگے۔ دور دراز سے آئے مریض ڈاکٹروں کی ہڑتال کے باعث دربدر کی ٹھوکریں کھانے پر مجبور ہیں ۔

ڈسٹرکٹ ہیڈ کوارٹر ہسپتال کے ڈاکٹروں نے سہولیات کی کمی ، فنڈز کٹوتی، ڈاکٹروں کی کمی اور نظرانداز کئے جانے کے خلاف ہڑتال کر رکھی ہے ۔ روزانہ صبح آٹھ بجے سے ساڑھے دس تک دو گھنٹے کام چھوڑ ہڑتال کی جاتی ہے ۔

پاکستان میڈیکل ایسوسی ایشن دیامر استور نے احتجاج کے اگلے لائحہ عمل کا اعلان کرتے ہوئے کہا ہے کہ اگر مسائل حل ہونے تک احتجاج جاری رہے گا ۔ احتجاج کے اگلے مرحلے میں ڈیوٹی کا مکمل بائیکاٹ کرنے کے ساتھ ساتھ پرائیویٹ کلینکس بھی بند کئے جائیں گے۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button