خبریں

ہنزہ پولیس کے اہلکاروں کو بہتر پرفارمنس کی بنیاد پر اسناد اور انعامات سے نوازا گیا

ہنزہ (اجلال حسین) ہنزہ میں رواں سال لاکھوں ملکی و غیر ملکی سیاحوں کی آمد کے دوران سفری مشکلات کے دوران مدد اور بہتر رہنمائی کے علاوہ بین ا لااقومی اور ملکی سطح پر ہو نے والی مختلف کھیلوں میں بہترین حفاظتی انتظامات اور کارکردگی کو سراہنے کے لئے اہلکاروں میں انعامات اور اسناد تقسیم کئے گئے۔ اس سلسلے میں ایک تقریب کا انعقاد کیا گیا جس دوران ایس پی ہنزہ طاہرہ یعسوب الدین نے ایس ڈی پی ہنزہ جان عالم سمیت، ایس ایچ اوز دیگر پولیس مرد و خواتین اہلکاروں کو اسناد اور انعامات سے نوازا۔

اس موقع پر ایس پی ہنزہ طاہرہ یعسوب الدین نے مرد و پولیس خواتین اہلکاروں سے مخاطب ہوتے ہوئے کہا کہ کم نفری ہونے کے باوجود ضلع ہنزہ کے پولیس گلگت بلتستان کے دیگر اضلاع کے نسبتاً زیادہ خدمات سرانجام دیتے ہیں، کیونکہ یہاں سیاحت عروج پر ہے اور مختلف ملکی و بین الاقوامی اور مقامی تقاریب بھی وقتا فوقتا منعقد ہوتے رہتے ہیں۔

ایس پی ہنزہ طاہرہ یعسوب الدین نے پولیس جوانوں سے مخاطب ہوتے مزید کہا کہ آئند جو جوان اچھی ڈیوٹی اور کارکردگی دیکھائے گا ضلع میں سالانہ بیسٹ پولیس جوان کا انتخاب کیا جائے گاجس کو نقد انعام کے علاوہ شاباشی سرٹیفکٹ اور بیسٹ پولیس سرٹیفکٹ سے بھی نوازا جائے گا۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button