تعلیمخبریں

ایلیمنٹری بورڈ امتحانی نتائج کا اعلان، جماعت پنجم میں ضلع ہنزہ کی طالبات کی شاندارکامیابیاں

گلگت ( نمائندہ خصوصی) محکمہ تعلیم سے جاری کردہ ایک بیان کے مطابق جماعت پنجم کی ایلیمنٹری بورڈ امتحانات میں ضلع ہنزہ کے بالائی علاقے سب ڈویژن گوجال سے تعلق رکھنے والی طالبات نے پہلی تینیوں پوزیشنز حاصل کرکے اپنا اور اپنے علاقے کا نام روشن کیا ہے۔

تفصیلات کےمطابق، جماعت پنجم کے امتحانات میں پہلی پوزیشن ناصرہ حسین نے حاصل کی ہے، جبکہ دوسری پوزیشن اسما امین نے حاصل کی ہے۔ دونوں طالبات کا تعلق سب ڈویژن گوجال کے گاوں ششکٹ سے ہے۔ اُدھر تیسری پوزیشن فہمیدہ رحیم نے حاصل کی ہے، جن کا تعلق افگرچ گوجال سے ہے۔

دوسری طرف، جماعت ہشتم کے نتائج کا بھی اعلان ہوا ہے۔ پہلی پوزیشن گاہکوچ (غذر) سے تعلق رکھنے والے طالبعلم محمد ولد ظفر نے حاصل کی ہے، جبکہ دوسری پوزیشن جوٹیال گلگت سے تعلق رکھنےوالی اقرا سلیم نے اور تیسری پوزیشن مرتضی آباد ہنزہ سے تعلق رکھنے والی طالبہ کنیز فاطمہ نے حاصل کی ہے۔

Print Friendly, PDF & Email

آپ کی رائے

comments

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔

متعلقہ

Back to top button