گوجال، گلمت میں واقع چینی کمپنی کا گندہ پانی شاہراہ قراقرم پر بہہ رہا ہے، راہگیر پریشان

گلمت گوجال (شرافت علی میر) گلمت گوجال میں قائم CRBC کاکیمپ جہاں پر چائنیز انجنیرز، ان کے ٹیکنکل اسٹاف اور سیکیورٹی عملہ کے اراکین قیام پذییر ہیں، سے رسنے والا گٹر کا پانی پچھلے دو مہینوں سے شاہراہ قراقرم پر بہہ رہا ہے جس کی وجہ سے وہاں سے گزرنے میں راہگیروں کو سخت دشواریاں پیش آرہی ہہیں. نہ صرف یہ بلکہ کمیپ کے نزدیک ہوٹل اور ایک بازار بھی واقع ہے، بلکہ یہ بھی کہ اس روڈ سے ہر روز سکول کے بچے بھی گزرتے ہیں.

سی آر بی سی کا شمار دنیا کی بڑی کمپنیوں میں ہوتا ہے جو روڑ اور پل کا کام کرتا ہے اور شاہراہ قراقرم کا ٹھیکہ بھی اس کمپنی کے پاس ہے ۔ بڑے بڑے ٹھیکہ لینے کے باوجود یہ لوگ دو مہینے گزرنے کے باوجود اپنا گٹر ٹھیک نہیں کرسکے۔ جس سے ارد گرد رہنے والے لوگوں ، اور یہاں سے گزرنے والے لوگوں کو تکلیف پہنچ رہی ہے۔