عطاآباد جھیل میں بغیر لائف جیکٹ پہنے سفر کرنے پر پابندی لگا دی گئی ہے

ہنزہ نگر ( بیورو رپورٹ) عطاآباد جھیل پر بغیرلائف جیکٹ سفر پر پابندی ہوگی۔ ڈپٹی کمشنر ہنزہ نگر عمران علی سلطان کے ہدایت پر سٹی مجسٹریٹ سلمان علی برچہ نے گزشتہ روز عطاآباد جھیل پر معائینہ کیاجھیل میں چلنے والے کشتی اپریٹر اور مسافروں کو حکم دیا کہ بغیر لائف جیکٹ کے سفر ہر گز نہیں کرینگے۔ سٹی مجسٹریٹ سلمان علی برچی نے عطاآباد سپل وے کشتی اپریٹر کو سختی سے ہدایت جاری کردیا کہ کسی بھی مسافر کو بغیر لائف جیکٹ کشتی میں سفر نہیں کر وائے گے۔ انھوں نے مزید کہا کہ اس کے علاوہ موسم سرما کے موسم کے آمد کے ساتھ ہی عطاآباد جھیل پر تیز ہوائیں چلنا شروع ہو گیا ہے جس کے باعث خصوصاً شام کے اوقات کشتی سروس بند کر دی جائی گی۔ اور کشتی اپریٹر کو یہ بھی ہدایت جاری کردی کہ شام 5بجے کے بعد کشتی سروس مکمل طور پر بند کردی جائے تاکہ کوئی ناخوشگوار واقعہ رو نما نہ ہو۔ انھوں نے مزید کہا کہ اگر کسی اپریٹر نے خلاف قانون کام کیا تو اس کے خلاف قانونی کاروائی کرنے کے علاوہ اس نمبر کی کشتی کا NOCبھی منسوخ کر دیا جائے گا۔سٹی مجسٹریٹ نے عطاآباد جھیل پر سفر کرنے والے مسافروں کو اپیل کیا کہ کشتی میں سفر کے دوران لائف جیکٹ ضرور پہنے تاکہ انسانی زندگی محفوظ ہو۔