چترال(بشیر حسین آزاد) سب ڈویژن مستوج کے ہیڈکوارٹر بونی میں بیار لوکل سپورٹ ارگنائزیشن اور تحصیل آواز فورم کے پلیٹ فارم سے ریلی نکالی گئی۔ ریلی بونی چوک پہنچ کر جلسے میں تبدیل ہوئی۔
جلسے سے خطاب کرتے ہوئے مقررین نے بلدیاتی انتخابات کرانے کا مطالبہ کیا۔ ریلی کے شرکاء بلدیاتی نظام کے حق میں نعرے لگارہے تھے۔
جلسے سے خطاب کرتے ہوئے محمد اسماعیل، نورحسین، امتیاز احمد، ذاکر محمد زخمی اور دیگر مقررین نے کہا کہ عوامی مسائل صرف بلدیاتی انتخابات کے ذریعے ہی حل ہوسکتے ہیں۔ بلدیاتی انتخابات سے اختیارات کی نچلی سطح پر منتقلی کی راہ ہموار ہوگی اور عوام کو ان کے گھر کی دہلیز پر اُن کے مسائل کا حل ملے گا۔
ریلی اور جلسہ کے شرکاء نے کہا کہ بلدیاتی انتخابات میں خواتین کو زیادہ سے زیادہ حصہ دیا جائے اور عدالتی فیصلے کی روشنی میں جلد از جلد بلدیاتی انتخابات کی تاریخ کا اعلان کیا جائیں۔
آپ کی رائے
