سکردو( پریس ریلیز) کسی وفاقی پارٹی میں شمولیت کا سوال ہی پیدا نہیں ہوتا ، قید وبند کی صہوبتیں وفاقی جماعتوں کا آلہ کار بننے کے لئے نہیں، بلکہ گلگت بلتستان کے عوامی حقوق کے لئے برداشت کیں ، میری کسی جماعت میں شمولیت یا انتخابات سے دستبردار ہونے کی بابت خبروں میں کوئی صداقت نہیں، ایسی خبریں گمراہ کن اور بد نیتی پر مبنی ہیں،ان خیالات کا اظہار حق پرست رہنماء انجئنئر منظور پروانہ نے کیا۔
انہوں نے کہا کہ مخالفین نے میرے خلاف پروپیگنڈے کا جمعہ باراز لگا دیا ہے اس طرح کے منفی اور غیر معقول افواؤں سے روندو کے عوام کو انتخابات میں میری حمایت سے دور نہیں رکھا جا سکتا ، عوام اچھی طرح جانتی ہے کہ ان کے مسائل کا حل کس نمائندے کے پاس ہے، غریب پرور اورعوام دوست کون ہے، ٹھیکہ دار نواز اور کرپٹ کون ہے، لوٹا اور اقرباء پرور کون ہیں۔ اس بار روندو میں ذاتی مفادات کے لئے پارٹیاں بدلنے والوں کو مایوسی ہوگی۔
منظور پروانہ نے کہا کہ عوام پارٹی اور بھیس بدل کر آنے والوں کا احتساب کرے ، کرپٹ سیاست مداروں کو حق رائے دہی سے ہی عوامی حقوق پر سودابازی سے روکا جا سکتا ہے ،آزاد امیدوار ہوں مسلکی تصادم اور وفاقی منافرت سے دور رہنے میں ہی گلگت بلتستان کے عوام کی بھلائی ہے ، عوام کسی بھی قسم کی تعصب سے بالاتر ہو کر اپنا ووٹ استعمال کرے۔
آپ کی رائے
