گلگت بلتستان
نیٹکو بس میں دوران سفر جان بحق ہونے والی خاتون کے بیٹے کو انشورنس چیک مل گیا
![](https://i0.wp.com/urdu.pamirtimes.net/wp-content/uploads/2015/04/11188210_10152882301526134_7107309466797554479_n.jpg?resize=780%2C470&ssl=1)
گلگت (پریس ریلیز) ناردرن ایریاز ٹرانسپورٹ کارپوریشن اپنے مسافروں کی سہولیات کا ہر طرح سے خیال رکھتا ہے ۔نیٹکو کے تمام مسافر انشورڈ ہیں ۔ان خیالات کا اظہار ناردرن ایریاز ٹرانسپورٹ کارپوریشن گلگت بلتستان کے منیجنگ ڈائریکٹر محمد سعید اللہ خان یوسف زئی نے نیٹکو کی ایک مسافرہ کالاحور بی بی جو نیٹکو کی گاڑی میں دوران سفرانتقال کر گئی تھیں کے بیٹے سید حامد علی شاہ کو انشورنس کی چیک دیتے ہوئے کیا ۔مسافرہ کا تعلق پکورہ تحصیل اشکومن سے تھا ۔
اس موقع پر مرحومہ کالا حور بی بی کے بیٹے نے منیجنگ ڈائریکٹر محمد سعید اللہ خان یوسف زئی کا شکریہ ادا کرتے ہوئے کہا کہ نیٹکو نے دوران انتقال میری والدہ کو نہ صرف علاقے تک پہنچایا بلکہ انشورنس کے ذریعے مالی معاونت بھی کی ۔