کریم آباد ہنزہ میں سانحہ نلتر میں جان بحق غیرملکیوں اور پاک فوج کے جوانوں کی یاد میں تعزیتی اور دعائیہ تقریب منعقد

ہنزہ نگر (اکرام نجمی) کریم آباد بزنس ایسوسی ایشن اور کمیونٹی کے جانب سے سانحہ نلتر میں جان بحق غیرملکیوں کے لواحقین سے تعزیت اور پاک فوج کے شہداء کے ایصال ثواب کے لیے دعائیہ تقریب کا انعقاد کیا گیا جس میں پاک فوج کے نوجوانوں کی شہادت پر شہدا کو خراج تحسین پیش کیا اور کہا کہ غیر ملکی مہمانوں کے جانوں کو بچانے کے خاطر اپنی قیمتی جانوں کا نظرانہ پیش کیا۔

تقریب میں موجود سول سوسائٹی کے نمائندوں کا مزید کہنا تھا کہ علاقے میں سیاحت کو فروغ دینے کیلئے حکومت کی طرف سے یہ ایک تاریخی قدم تھا مگر بدقستمی سے اس ناگہانی سانحے نے پوری قوم کو غم زدہ کردیا ہے اورہم تمام غیر ملکی جو اس سانحے میں جان بحق ہوئے ہیں انکے خاندانوں کے ساتھ دلی ہمدردی اور تعزیت کا اظہارکرتے ہیں ۔