قانون ساز اسمبلی کا اجلاس 24 جون کو طلب، وزیر اعلیٰ، اسپیکر وڈپٹی اسپیکر کا انتخاب ہوگا

گلگت (عبدالرحمن بخاری) قانون ساز اسمبلی گلگت بلتستان کا پہلا اجلاس 24 جون کو طلب کرلیا گیا ھے۔ اجلاس میں وزیر اعلیٰ، اسپیکر اور ڈپٹی اسپیکر کا انتخاب کیا جاے گا ۔

باخبر ذرائع سے معلوم ھوا ھے کہ قانون ساز اسمبلی کے موجودہ سپیکر وزیر بیگ نے اسمبلی کا پہلا اجلاس 24 جون کو طلب کرلیا ھے اور سمری کو حتمی منظوری کے لیے گورنر کو بیھج دی ھے۔

پہلے اجلاس میں قائد ایوان، اسپیکر اور ڈپٹی اسپیکر کا چناؤ عمل میں لایا جاے گا۔ اسمبلی کے پہلے اجلاس سے قبل مخصوص نشتوں پر امیدواروں کا انتخاب عمل میں لایا جاے گا۔ 23 جون کو خواتین کی 6 اور ٹیکنو کریٹس کی 3  سیٹوں پر چناؤ ھوگا۔