صوبائی حکومت نہ کسی سازش کا حصہ ہے، نہ بنے گی، حاجی عابد علی بیگ

گلگت(پ ر) وزیراعلیٰ کے معاون خصوصی حاجی عابد علی بیگ نے کہا ہے کہ سیاسی مخالفین کی آخری ہچکی بھی کام نہیں آئے گی۔بہتر یہ ہے انہیں اب اپنے بلوں میں ہی رہنا چاہیئے۔اپنے بیان میں انہوں نے کہا ہے کہ صوبائی حکومت امن کے قیام کیلئے انتہائی مخلص ہے اور کسی صورت امن میں خلل پڑنے والوں کے ساتھ رعایت نہیں برتی جائے گی۔ انہوں نے کہا کہ شہید امن سیف الرحمن کے مشن کو آگے بڑھایا جائے گا ان کا مذید کہنا ہے کہ صوبائی حکومت عوام کی زندگیوں میں بہتری لانے کیلئے جامع پلان پر کام کررہی ہے ان اک مذید کہنا تھا کہ وزیراعلیٰ حفیظ الرحمن کی بہتری حکمت عملی کے باعث بے جاتنقید کرنے والوں کے منہ بھی بند ہوجائیں گے۔صوبائی حکومت کسی سازش کا حصہ ہے نہ کسی سازش کاحصہ بنے گی۔