وزیر بیگ کو پورے گلگت بلتستان میں قدر کی نگاہ سے دیکھا جاتا ہے جوہنزہ کے لئے فخر کا مقام ہے، امجد ایڈووکیٹ صدر پیپلزپارٹی

ہنزہ (اکرام نجمی، زوالفقار بیگ) پاکستان پیپلز پارٹی کے صوبائی قیادت جن میں امجد ایڈوکیٹ ، سابقہ ڈپٹی سپیکر جمیل احمد، سعادیہ دانش اور سابقہ اسپیکر وزیر بیگ نے ہنزہ دورہ کرکے اپنے کارکنوں نے ملاقات کی اور پارٹی ٹکٹ کے حوالے سے کارکنوں کو اعتماد میں لیا اس موقعے پر کارکنوں سے بات کرتے ہوئے صوبائی صدر پاکستان پیپلز پارٹی امجد ایڈوکیٹ کا کہنا تھا کہ پارٹی کے چیرمین نے ٹکٹ میرٹ کے بنیاد پر دیا ہے پاکستان پیپلز پارٹی نے اس امیدوار کو ٹکٹ دی ہے جو ایک قد آور شخصیت ہے جو ہنزہ میں کئی انتخابات جیت چکا ہے ہمارا مقابلہ بادشاہت کے ساتھ ہے جس کو ہمارے قائد زوالفقار علی بٹھو نے ختم کیا تھا ہنزہ کے عوام باشعور ہے ہم نے جو کام کیا ہے اس سے عوام واقف ہے اور ہم یہ سیٹ ہنزہ کے عوام کی مدد سے جیت کر دکھائینگے۔

انھوں نے مزید کہا کہ وزیر بیگ ایک دیانتدار اور کرپشن سے پاک شخصیت ہے جس نے اپنا سب کچھ قربان کرکے عوام کی خدمت کی ہے اور نہ صر ف ہنزہ بلکہ پورے گلگت بلتستان کے عوام عزت کی نگاہ سے دیکھتے ہیں جو ہنزہ کے عوام کیلئے باعث فخر ہے پاکستان پیپلز پارٹی ایک جمہوری پارٹی ہے اور ہمارے کارکنوں کی ڈسپلن مثالی ہے میں ذاتی طور پر ہر کارکن کے پاس جاوٗنگا اور اگر کسی کارکن کی طر ف سے کوئی تحفظات ہیں تو ہم اس کے تحفظات دور کرنے کی کوشش کرینگے ۔