گلگت، پولیس جوانوں نے اپنی جانیں خطرے میں ڈال کر دو ڈوبتے طالبعلموں کی زندگیاں بچا لیں

گلگت (محمد عیسی حلیم) پولیس جوان کنوداس پی ڈبلیو ڈی آفس کے قریب دریائے گلگت کی تُند و تیز اور بے رحم موجوں کی نذر ہونے والے 2 طالب علموں کی جانیں اپنی زندگیوں کو خطرے میں ڈال کر بچا نے میں کامیاب ہو گئے۔

تفصیلات کے مطابق دو طالبعلموں دانش ولد خوشحال اور عدنان ولد حسین کو دریا میں میں ڈوبتے دیکھ کر کمال جرات کا مظاہرہ کیا اور فوراً کاروائی کر کے  دونوں کو بچا لیا۔ تندہی اور جرات کے اس مظاہرے سے متاثر ہو کر موقعے پر موجود افراد نے پولیس زندہ باد کے نعرے لگائے۔

زندگیاں بچانے کے اس بہادرانہ مشن میں ایس آئی پی عبدالرحمن کے علاوہ ریکروٹ سپاہی احسان اللہ نمبر 29 اور ریکروٹ سپاہی شمس اللہ نمبر 21 شامل تھے۔

اس موقعے پر موجود شہریوں نے پولیس اہلکاروں کو نقد انعامات بھی دئیے۔