انتخابات سے دو دن قبل ہنزہ میں امیدواروں کی ریلیاں، جلسے
ہنزہ ( اجلال حسین ) ہنزہ میں ضمنی انتخابات میں حصہ لینے والے امیدوارں کے انتخابی ریلیاں اور جلسے رات گئے تک جاری رہیں۔ آج پورا دن امیدواروں نے مختلف علاقوں میں ریلیاں نکالیں اور اپنی عوامی طاقت کا مظاہرہ کیا۔
ہنزہ میں ہونے والی ضمنی انتخابات میں حکران جماعت اور ازاد امیدوار نیک نام کریم کے علاوہ سارے امیدواروں، جن میں پاکستان پیپلزپارٹی کے نامزد امیدوار وزیر بیگ، تحریک انصاف کے عزیز احمد ، عوامی ورکر پارٹی کے اخون بائی، آزاد امیدوار کرنل (ر) عبیدا للہ بیگ نے بالائی ہنزہ گلمت سے ریلیاں نکالیں، اور شاہراہ قراقرم سے ہوتے ہوئے علی آباد، ناصر آباد، تا حید ر آباد اور کریم آباد تک پہنچے۔ 
اس موقع پر امیدواروں نے مختلف مقامات پر جلسے بھی منعقد کئے گئے جس میں چیف الیکشن کا شکریہ ادا بھی کی جنہوں نے مقرارہ وقت پر انتخابات کے شیڈول کا اعلان کرتے ہوئے انتخابی مہم کو مکمل کرنے کی احکامات جاری کر دئے۔ جلسوں سے خطاب کرتے ہوئے مختلف امیدواروں نے کہا کہ ہمیں امید ہے کہ گلگت بلتستان حکومت شفاف طریقے سے انتخابات مکمل کرائی گے اور ہمیں افسوس کے ساتھ کہنا پڑا رہا ہے حکمرن جماعت کے عہدیدادارن اور گورنر گلگت بلتستان نے الیکشن کمیشن گلگت بلتستان کی جانب سے جاری کردہ ضابطہ اخلاق کو پاوں تلے رونڈتے ہوئے انتخابی مہم بھرپور طریقے سے کیا جس کی ہم پرزور الفاظ میں مذمت کرتے ہیں ۔
