اشکومن میں پندرہ روز سے انٹرنیٹ کا نظام درہم برہم

اشکومن(نمائندہ خصوصی) اشکومن بھر میں گزشتہ پندرہ روز سے انٹرنیٹ کا نظام معطل ،طلبہ اور صحافیوں کے علاوہ عام صارفین شدید متاثر،بار بار کی شکایات کے باوجود ایس سی او حکام کے کانوں پر جوں تک نہیں رینگتی۔تحصیل اشکومن میں گزشتہ دو ہفتوں سے انٹر نیٹ کا نظام درہم برہم ہوچکا ہے ۔ہیلپ لائن سروس بھی بند کردی گئی ہے ،طلبہ اور صحافی حضرات کو معمولی کام کے سلسلے میں بھی گاہکوچ جانا پڑ رہا ہے۔بار بار کے شکایات کے باوجود ایس سی او خاموش تما شائی بنی ہوئی ہے۔عوام علاقہ نے گلگت بلتستان میں کمیونیکیشن کا نظام پی ٹی سی ایل یا کسی بھی پرائیوٹ کمپنی کو دینے کا مطالبہ کیا ہے۔