چلاس (ڈسٹرکٹ رپورٹر ) ڈویژنل صدر مسلم لیگ ن دیامر استور حاجی غندل شاہ نے کہا ہے کہ وزیراعلیٰ گلگت بلتستان حافظ حفیظ الرحمن گلگت بلتستان کے خلاف عدم اعتماد کی تحریک کا شوشہ چھوڑنے والے اخبارات کی حد تک زندہ رہنے کی کوشش میں ہے عوام کے مسائل حل ہوتے دیکھ کر سیاسی مخالفین کو ذہنی دھچکا لگا ہے اپنی ایک بیان میں انہوں نے کہا کہ گلگت بلتستان کی تاریخ میں پہلی بار وزیراعلیٰ کے وژن کو عوامی سطح پر سراہا جا رہا ہے عام آدمی کے مسائل حل ہو رہے ہیں ٹیکس ایشو کا خوش اسلوبی سے حل نکالا آئینی حثیت کے مطالبے پر عملدرآمد کی حد تک پہنچایا شہر شہر اور گاؤں گاؤں میں ترقیاتی منصوبوں کا جال بچھایا گیا ہے انہوں نے کہا کہ ن لیگ میں فارورڈ بلاک کی باتیں کرنے والے احمقوں کی جنت میں رہتے ہیں ۔
