غذر(محبت حسین سے)پاکستان پیپلز پارٹی کی تحصیل پھنڈر میں رکنیت سازی مہم جاری ۔ مقامی لوگوں کی بڑی تعداد نے پیپلز پارٹی میں شمولیت کا اعلان کردیا۔ پیپلز پارٹی تحصیل پھنڈر کے صدرنمبردار ولی شاہ کی قیادت میں تحصیل کے عہدیدارن نے پھنڈر کے مختلف گاوں گلاغمولی ، ٹیرو ، چھشی اور پھنڈر پراپر میں مقامی معتبرین سے ملاقاتیں کیں۔تحصیل صدر کا کہنا ہے کہ تحصیل پھنڈر انشااللہ جلد پیپلزپارٹی کا گھاڑ بن جائے گا ، لوگ کثیر تعداد میں پیپلزپارٹی میں شامل ہورہے ہیں۔پاکستان پیپلزپارٹی تحصیل پھنڈر کے کوارڈنیٹر مختار حسین کے مطابق تحصیل پھنڈر سے تعلق رکھنے والے مسلم لیگ ن کا رہنما خان اکبر خان جلد پیپلز پارٹی میں شامل ہورہے ہیں اس حوالے سے وہ اپنے احباب اور عزیز وں کو عتماد میں لے رہے ہیں ، پیپلز پارٹی کی گاہکوچ کے جلسے میں وہ باقاعدہ پارٹی میں شمولیت کا اعلان کریں گے۔
آپ کی رائے
