سورج آگ برسانے لگا، چلاس میں‌شدید گرمی کے باوجود بجلی کی آنکھ مچولی جاری

چلاس ( ڈسٹرکٹ رپورٹر )    سورج آگ برسانے لگا ، چلاس میں شدید گرمی ، بازار ویران ۔ بجلی کی آنکھ مچولی جاری ۔ جولائی نے اپنا رنگ دیکھانا شروع کر دیا ۔ درجہ حرارت پینتالیس سینٹی گریڈ تک پہنچ گیا ۔ شدید گرمی کی وجہ سے مارکیٹیں سنسان ہو گئی جبکہ بازاروں سے لوگ غائب ہوگئے ۔ شدید گرمی کے ساتھ ساتھ بجلی کی آنکھ مچولی نے شہریوں کی زندگی اجیرن بنا دی ۔ بجلی کے شارٹ فال کی وجہ سے کئی علاقوں میں بجلی غائب ہے جس کی وجہ سے عوام علاقہ شدید مشکلات سے دوچار ہیں ۔ چلاس کے سیاسی ،سماجی اور کاروباری حلقوں نے صوبائی حکومت سے مطالبہ کیا ہے کہ بجلی لوڈشیڈنگ کے خاتمے کیلئے ڈیزل جنریٹر چلایا جائے ۔ چلاس کی گرمی کو مدنظر رکھتے ہوئے قبل از وقت لوڈشیڈنگ کے خاتمے کیلئے اقدامات کئے جائیں تاکہ عوام سکھ کا سانس لے سکیں ۔
Print Friendly, PDF & Email

آپ کی رائے

comments