ملا کی ترجیحات اور اللہ اور نبی  کریم کی ترجیحات میں فرق 

–  چھوٹے چھوٹے فقہی مسائل میں الجھنا  جیسے رفع الیدین  پر لڑنا جھگڑنا۔ ان کا اپنا نظریہ صحیح، باقی سب کافر ، زندیق اور واجب القتل۔

– داڑھی کی سائیز پر بحث و تکرار اور ناخن کاٹنے، مہندی لگانے کے مسائل۔

– نور و بشر کے چکر میں پڑنا اور مخالف پر شرک کی بمبارمنٹ کرنا۔

– نبی کریم اور اللہ کی صفات کو موضوع بحث  بنانا۔  (رب ، رب ہوتا ہے اور بشر ، بشر۔ خواں جتنا بھی رفعت حاصل کریں ) البتہ نبی کریم خیر البشر  اور افضل الانبیاء ہیں۔

– صحابہ کا آپس میں مقابلہ کروانا اور جتھے بنانا / لڑنا جھگڑنا ۔ حالانکہ ان کے مقام و مرتبے کے حوالے سے قرآن و حدیث واضح ہیں۔ کون کس مقام پر ہے۔

– مسواک کے فضائل، امت کو ثواب کے چکر میں ڈال کر عمل سے دور کردینا۔

– شلوار ٹخنوں سے اوپر رکھنے کے فوائد

– بال لمبے رکھنے اور مونچھیں نہ رکھنے  کے ثواب پر لکچر۔

– کس کے پیچھے نماز پڑھی جائیں اور کس کے نہیں کی بحث۔

–  یہ تیری مسجد و مدرسہ  ، وہ میری کا دعویٰ۔

– گھر میں تصویر رکھنا حرام ہے ، پاسپورٹ ، فیس بک اور دیگر سوشل میڈیا  پر حلال۔

– ٹی وی، لاؤڈ اسپیکر، ریڈیو، سائینسی علوم  حرام مگر اب حلال ۔

– پولیو کے قطرے پلانا حرام باقی کافر کی دوائیاں حلال۔

– بالوں اور داڑھی  پر خضاب لگانے کے فضائل ، پینٹ شرٹ پہننا غیر اسلامی اور  یہود ونصاریٰ کا دوست / بھائی قرار ۔

– کیلا اور کھیرے کو سنت کے مطابق کاٹنے کے فضائل ۔

– آلو، ٹماٹر ، روٹی حتیٰ کہ جانوروں کے جسم پر بھی کوئی ایسی نشانی تلاش کرنا جس سے اللہ ، نبی کریم کے نام سے مشابہت ہو۔

– صرف وہ اور اس کے چند رفقاء جنت جائیں گے ٫ باقی کافر ، زندیق اور دوزخی ۔

– نماز،  روزے  پر زور  ، بیشک اس کے بعد جو مرضی کر لو۔

– حج ، عمرہ پر  اصرار ، بیشک ہمسایہ ، رشتہ دار بھوک ، بیماری سے مر رہا ہو ۔ حقوقِ العباد  کی کوئی فکر نہیں۔۔ خیر چل  جائے گا۔

– قرآن پڑھو ، روزانہ پڑھو ، ثواب کماؤ، بچوں کو حافظ قرآن بھی بناؤ لیکن قرآن سے کچھ سیکھنا ، سبق حاصل کرنا نہیں ہے۔

– علم  حاصل کرو ، خواں تمھیں  چین جانا ہی کیوں نہ پڑیں۔

– علم حاصل کرنا ہر مسلمان مرد اور عورت پر فرض ہے

– عقل استعمال کرو، اوندھے منہ پڑے نہیں رہنا ہے ، اللہ کی کائنات پر غور و فکر کرو ۔

– قرآن کو ٹھر ٹھر کر ، سمجھ کر پڑھو۔

– حقوقِ العباد کا خیال کرو، اللہ رحمن و رحیم ہے معاف بھی کرے گا لیکن حقوقِ العباد کے حوالے سے تب تک معاف نہیں کیا جائے گا جب تک متاثرہ شخص معاف نہ کردیں ۔

– نماز پڑھو مگر خشوع و خضوع کے ساتھ جیسے تم اللہ کو دیکھ رہے ہو۔

– ہمسائے کا حق ادا کرو، انھیں تکلیف نہ پہنچائیں۔

– ایک انسان کا قتل انسانیت کی قتل ہے

– رزق حلال عبادت ہے۔ لوگوں کیلے آسانیاں پیدا کرو۔

– اللہ محنت کار کو دوست رکھتا ہے۔

– اللہ صبر کرنے والے اور متقین کو دوست رکھتا ہے

– امانتوں میں خیانت نہ کرو

– اپنے بھائی کیلے وہ چیز پسند کرو جو اپنے لیے کرتے ہو

– دوسروں کا مال /  یتیموں کا مال ہڑپ مت کرو

– حسد ، بغض ، فحاشی ، تعصب ، ظلم سے بچو۔

– بے جا مال اکھٹا مت کرو، خیرات کرو۔

– والدین سے حسن سلوک، اقربا سے صلہ رحمی کرو

– دینے والا ہاتھ لینے والے سے بہتر ہوتا ہے۔

– تفرقہ مت پھیلاؤ،اللہ کی رسی ( قرآن و نبی کی عترت) کو مضبوطی سے تھامو۔  صلح کرو، شکر ادا کرو، کفر نہیں۔

– ناپ تول میں کمی نہ کرو اور نہ کسی کا مال دیکھ کر منہ میں پانی آجائے ۔

–  صرف اللہ پر توکل کرو ، دنیوی آقاؤں پر تکیہ مت کرو۔

– نرمی سے بات کرو، زمین پر اکڑ کر ہر گز مت چلو۔

– کامیابی پر حلیم بنو ، غرور مت کرو اور تکلیف میں صبر۔

– بے حیائی اور دیکھاوے / بناوٹ سے بچو۔

– اللہ کی تقسیم پر خوش رہو ، حسد و کینہ  سے اجتناب کرو

– بے جا گمان مت کرو ۔ ٹوہ مت لگاو،  چھوٹوں سے شفقت اور بڑوں کا احترام کرو۔

– زمانے کو برا مت کہو ، زمانہ خود خدا ہے۔

– دنیا و دین میں اعتدال رکھو۔ کسی ایک کو بھی ترک کرنے پر باز پرس ہوگی ۔ دین و دنیا میں خسارے میں رہو گے۔