ہمارے بارے میں

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔ 2007 میں اجرا کے بعد سے پامیر ٹائمز نے مسلسل یہ کوشش کی ہےکہ مستند اور معیاری معلومات قارئین تک پہنچانے کا اہتمام کیا جاسکے۔ اس دوران ہمارے ساتھ متعدد رضاکار رپورٹرز اور سیٹیزن جرنلسٹس کا تعاون رہا ہے۔ آن لائن انگریزی اشاعت کی مسلسل کامیابی کے بعد کچھ سال پہلے ہم نے پامیر نامہ کے نام سے ایک اردو بلاگ کا اجرا کیا تھا۔ قومی زبان میں لکھنے کی ضرورت اور قارئین اور لکھاریوں کی پرزور سفارش پر بعد میں بلاگ کی بجائے ایک مکمل اردو ویب پورٹل کا اہتمام کیا گیا، جس میں گزشتہ دس سالوں سے خبروں، مضامین اور فیچرز کے علاوہ تصویری کہانیاں بھی وقتا فوقتا شائع کی جارہی ہیں۔