گلگت ( مون شیرین) گلگت میں یوم عاشور کا جلوس پرامن طور پر اختتام پذیر ہوا۔ یوم عاشور کا مرکزی جلوس جامع امامیہ مسجد گلگت سے برآمد ہوئی اور راجہ بازار سے گزرنے کے بعد گھڑی باغ ، ہنزہ چوک ، جماعت خانہ بازار، نوید شہید چوک، ہسپتال روڈ اور خزانہ روڈ سے ہوتے ہوے دوبارہ جامع امامیہ مسجد پہنچ کر احتتام پذیر ہوا۔
یوم عاشور کے موقعے پر سیکیورٹی کے سخت انتظامات کئے گئے تھے. رینجزر، گلگت بلتستان اسکاوٹس، پویس کمانڈوز، اہلیٹ فورس اور پولیس اہلکار نے سیکورٹی کے فرایض انجام دے۔ جبکہ پاک فوج کے ہیلی کاپڑ نے جلوس کی فضائی نگرانی بھی کی۔ عزاداروں نے نوید شہید چوک پر نماز جمعہ اداکی۔
اس موقعے پر امام جمعہ الجماعت جامع امامیہ مسجد آغا راحت حسین نے عزاداروں سے خطاب کرتے ہوے مساجد بورڈ، اسماعیلی کونسل، ضلعی انتظامیہ اورصوبائی حکومت کے قیام امن کے لئے کئے گئے کوششوں کو سراہا۔ آغا نے صحافیوں کا بھی شکریہ ادا کیا اور کہا کہ اُنہوں نے ہمشیہ گلگت میں امن کے لئے اپنا کردار ادا کیا ہے۔
آپ کی رائے
