مساجد بورڈ کے صدر نثار ولی نے جامع مسجد سےعوامی ایکشن کمیٹی کے خلاف اعلان کردیا، تنظیم اہلسنت والجماعت کی مذمت

گلگت (عبدالرحمن بخاری سے ) عوامی ایکشن کمیٹی کی کال پر دھرنوں کو ناکام بنانے کے لیے سرکاری مساجد بورڈ سرگرم ھوگیا پیر کے روز نماز مغرب کے بعد مرکزی جامع مسجد اہلسنت کے لوڈ اسپیکر سے مسجد بورڈ کے صدر راجہ نثار والی نے دھرنوں کے خلاف اعلان کیا اس دوران تنظیم اہلسنت کے عہدیدار اور کارکن مسجد میں جمع ھوگے تو راجہ نثار والی نے پسٹل نکال لیا اور حملہ کرنے کی کوشش کی اس موقع پر پولیس اور انتظامیہ تماشائی بنی رہی واقعہ کے بعد تنظیم اہلسنت نے لوڈ اسپیکر سے دوبارہ اعلان کر کے دھرنوں کی حمایت کردی.

ادھر تنظم اہل سنت والجماعت کے ڈپٹی جنرل سیکریٹری مولانا رئیس سلطان ںے ایک اخباری بیان میں کہا ہے کہ راجہ نثار ولی نے مرکز سے غیر ذمہ دارانہ اعلان کرکے قومی اتحاد و اتفاق کو توڑنے کی سازش کی ہے اور حکمرانوں کے ایماء پر پرامن ماحول کو خراب کرنے کی کوشش کی ہے۔ انہوں نے کہا کہ کسی حکومتی نمک حلال کو تنظیم اور مرکز کو استعمال کرنے کا کوئی حق نہیں ہے ۔ انہوں نے مزید کہا کہ نثار ولی نے تنظیم کے افراد کے ساتھ جو زیادتی کی ہے اس کے خلاف بھرپور قانونی چارہ جوئی کی جائیگی۔ اگر آئندہ کسی نے ایسی حرکت کرنے کی کوشش کی تو اس کا منہ توڑ جواب دیا جائیگا۔