خپلو (پریس ریلیز) سینئر صحافی علی شاہین کی وفات پر پریس کلب گانچھے میں صدر پریس کلب ذہیر احمد اسدی کے زیر صدارت تعزیتی اجلاس منعقد ہوا ۔ جس میں سینئر صحافی و کارٹو نسٹ اقبال بلتی ، شمیم رضابگٹی ، محمد علی عالم ، حبیب الرحمان ،شاہد حسنی ، سید سجاد تھلوی ، فرمان ثاقب ،حبیب اللہ ،محمد الیاس و دیگر نے شرکت کی ۔اجلاس میں میں مرحوم علی شاہین کی ایصال ثواب کے لئے فاتحہ خوانی کی ۔ اس موقع پر خطاب کرتے ہوئے صدر پریس کلب ذہیر اسدی نے کہاکہ علی شاہین کی صحافتی خدمات ناقابل فراموش ہے انکی صحافتی خدمات کو ہمیشہ یاد رکھا جائے گا۔ انہوں نے کہا مرحوم علی شاہین کو دوران علاج مختلف سیاسی و سماجی خصوصاً گانچھے کے سرکاری اداروں نے مالی امداد کی جس کا ہم شکر گزار ہیں۔ انکی وفات پر پریس کلب گانچھے نے تین روزہ اور فاتحہ خوانی اعلان کردیا۔
آپ کی رائے
