گلگت(ریاض علی) احتجاجی مظاہرے میں عوام کی بڑی تعداد میں شرکت۔ احتجاجی ریلی وحدت ہاوس ہسپتال روڈ سے شروع ہو کر رقص چوک پر جلسے کی شکل اختیار کی۔ احتجاجی ریلی سے خطاب کرتے ہوئے ایم ڈبلیو ایم کے صوبائی ترجمان الیاس صدیقی اور دیگر مقررین نے کہا کہ شکارپور سانحہ سندھ حکومت کے منہ پر تمانچہ ہے۔ نماز جمعہ کے دوران سیکورٹی کی نا قص انتظامات قابل مذمت ہے اور ایک سوچی سمجھی سازش کا حصہ ہے۔ سندھ حکومت کے نااہل حکمران فوری طور پر مستعفیٰ ہو جائے۔سندھ بھر میں ملت جعفریہ کا قتل عام جاری اور بے حس حکمران ٹس سے مس تک نہیں ہورہے ہیں سندھ حکومت نے ابھی تک ملت جعفریہ کے بے گناہ افراد کے قاتلوں کی گرفتاری کی بجائے سرپرستی کر رہی ہے۔ان نااہل حکمرانوں کی وجہ سے ملک ترقی کی بجائے بربادی کی طرف جا رہی ہے۔ انہوں نے مطالبہ کیا کہ اس سانحہ میں ملوث اور پس پردہ سازش کاروں کو فوری طور پر بے نقاب کریں۔ اور عوام کے سامنے لایا جائے۔ شکارپور سانحہ میں تکفیری دہشت گرد ملوث ہے ملک بھر میں موجود تکفیری دہشت گردوں کے خلاف فوری طور پر کاروئی عمل میں لائی جائے اور ان کے ٹھکانوں کو تباہ کریں۔
آپ کی رائے
