چلاس(چیف رپورٹر) پیپلز پارٹی ضلع دیامر نے رضا ربانی کی بطور چیئرمین سینٹ تقرری پر مسرت کا اظہار کرتے ہو ئے مٹھائی تقسیم کی ہے ۔ پیپلز سیکریٹریٹ چلاس میں پیپلز پارٹی ضلع دیامر کے صدر طیفور شاہ ،سینئرنائب صدر مبین شاہ ،ضلعی سیکریڑی اطلاعات محمد افضل ،سینئر رہنما شیزادہ ،عبد الماحص ،محمد عالم ،عبد الرقیب سمیت کثیر تعداد میں کارکنوں نے رضا ربانی کی بطور چیئرمین سینٹ تقرری پر خوشی کا اظہار کرتے ہو ئے ایک دوسروں کو مٹھائی کھلائی ۔اس موقع پر خطاب کرتے ہو ئے مقررین نے کہا کہ رضا ربانی کی بطور سینٹ چیئرمین تقرری آصف علی زرداری کی مفاہمتی پالیسی کا نتیجہ ہے ۔پیپلز پارٹی آج بھی ملک کی بڑی سیاسی جماعت ہے ۔ایوان بالا کا چیئرمین منتخب ہو نا ان لو گوں کے منہ پر طمانچہ ہے جو یہ کہتے ہیں کہ پیپلز پارٹی ختم ہو گئی ہے ۔رضا ربانی سینئر پالیمنٹریرین ہیں جن کی ملک و جمہوریت کیلئے بے پناہ خدمات ہیں ۔انہوں نے کہا کہ پیپلز پارٹی کے چاہنے والے ملک کے کو نے کو نے میں موجود ہیں ۔بلاول بھٹو زرداری اور آصف علی زرداری کی قیادت میں پیپلز پارٹی ایک مرتبہ پھر ملک کی سب سے بڑی سیاسی جماعت بن کر ابھرے گی۔
آپ کی رائے
