آل پرائمری ٹیچرز ایسوسی ایشن چترال نے ہنگامی اجلاس میں گریڈ ۲ ٹریننگ کو ملتوی کرنے کا مطالبہ کردیا

چترال(نمائندہ خصوصی) آل پرائمری ٹیچرز ایسوسی ایشن (اپٹا ) ضلع چتر ال کاایک ہنگامی اجلاس زیر صدارت محمد اشرف خان صدر اپٹا چترال منعقد ہوا ۔ اجلاس میں ضلعی و تحصیل عہدہ داروں کی ایک بڑ ی تعداد نے شرکت کی ۔ اجلاس میں حالیہ برف باری کی وجہ سے چترال کی دور دراز علاقوں کی سڑکوں کی صورت حال اور مورخہ 17 مارچ سے شروع ہونے والی پرائمری اساتذہ کی گریڈ 2 ٹریننگ منعقد ہونے کی صورت میں درپیش مسائل پر تفصیلی غور و خوص کیاگیا ۔ چونکہ کئی علاقوں میں مثلاً ارکاری ، گبور ، سور لاسپور ، یارخون اور بروغل وغیرہ میں تین سے پانچ فٹ تک بر ف پڑی ہے ۔ اور برف کے تودے گرنے کی وجہ سے راستے بند ہیں اور اساتذہ کو ٹریننگ سنٹر ز تک پہنچنے کے لئے پچاس ساٹھ کلومیٹر ز کا فاصلہ پیدل طے کرنا پڑے گا ۔ اور ساتھ سنٹر ز میں قیام وطعام کا بھی کوئی بندوبست نہیں ہے ۔ اور سردی کے اس شدید موسم میں ٹریننگ پلا ن کرنا چترال کے پرائمری اساتذہ کے ساتھ سراسر ناانصافی ہے ۔ لہذا جملہ شرکاء اجلاس نے باہمی اتفاق رائے سے ایک قرارداد منظور کی جس میں متعلقہ حُکام و زمہ داران سے مطالبہ کیا گیا ۔ کہ مذکورہ ٹریننگ فوری طور پر ملتوی کر دی جائے اور موسمی حالات کو مد نظر رکھتے ہوئے اپریل یا مئی میں ٹریننگ منعقد کر وائی جائے ۔ تاکہ اساتذہ آسانی سے ٹریننگ سنٹر ز پہنچ سکیں اور ٹریننگ کے مقاصد کا حصول یقینی ہو ۔

Print Friendly, PDF & Email

آپ کی رائے

comments