امامیہ سکاوٹس حکومتی اداروں کے ساتھ مل کر عزاداران مظلومِ کربلا کی حفاظت کے لئے تیار ہیں، پریس ریلیز

گلگت (پ ر ) امامیہ اسکاؤٹس ہمیشہ سے دکھی انسانیت کی خدمات سرانجام دیتی آرہی ہے اور یہ عمل ہمیشہ جاری و ساری رہے گی۔چہلم حضر ت امام حسین ؑ میں ملک بھر کی طرح گلگت ڈویزن میں بھی امامیہ اسکاؤٹس مجلس عزا و جلوس ہائے عزا میں عزاداران مظلوم کربلا کی حفاظت میں مامور ہیں۔امامیہ اسکاوٹس حکومتی سکاورٹی اداروں کے ساتھ مل کر کسی بھی ناخوشگوار حالات سے نمٹنے کے لیے بھر پور تیار ہے۔
امامیہ اسٹوڈنٹس ارگنائزیشن پاکستان گلگت ڈویزن کے امامیہ چیف اسکاؤٹس برادر علی مہدی نے کہا کہ ملک بھر کی طرح گلگت بھر میں امامیہ اسکاوئٹس حکومتی اداروں کے ساتھ مل کر مجالس عزا کی بھر پور انداز میں اپنے فرائض سر انجا م دے رہے ہیں ۔ہم عزاداران مظلوم کربلا سے اپیل کرتے ہیں کہ وہ سکاوٹس کے ساتھ تعاون کو یقینی بنائے تاکہ کسی بھی ناخوشگوار واقع سے بجا جا سکے ۔اس کا مزید کہنا تھا کہ عوام الناس کو بھی چاہے کہ وہ اپنے ارداگرد کے حالات کا بارکبینی کے ساتھ جائزہ لے اور کوئی بھی مشکوک افراد اور چیزوں کی موجودگی پر فوری زمہ دار کو مطلع کرے۔