گلگت ( سٹاف رپورٹر) وزیر اعظم پاکستان میاں محمد نواز شریف کا مئی کے وسط تک گلگت بلتستان کا دورہ متوقع ہے۔ باخبرذرائع سے معلوم ہوا ہے کہ وزیر اعظم پاکستان16مئی کو گلگت بلتستان کا دورہ کرینگے۔ اس دورے کے موقع پر وزیراعظم پاکستان گلگت بلتستان کونسل کی تقریبِ حلف برداری میں بھی شرکت کرینگے اور مسلم لیگ (ن) گلگت بلتستان کے ہنماوں سے ملاقات کرکے خطے میں ترقیاتی کاموں کا جائزہ بھی لیں گے۔
وفاق میں مسلم لیگ (ن) کی حکومت بننے کے بعد وزیراعظم پاکستان میاں محمد نواز شریف کا یہ تیسرا دورہ ہو گا۔
