چلاس(بیورورپورٹ)ڈگری کالج چلاس کے ہاسٹل کی تعمیر کو فوری مکمل کر کے طلباء کے لئے کھول دیا جائے۔دوردراز کے طلباء ہاسٹل کی سہولت نہ ہونے کی وجہ سے شدید مشکلات کا شکار ہیں۔جس کی وجہ سے انکی تعلیم بھی متاثر ہورہی ہے۔ان خیالات کا اظہار قراقرم یوتھ فاؤنڈیشن کے راہنماؤں مظاہر خان اور خان عالم نے اپنے ایک بیان میں کیا۔انہوں نے کہا کہ دیامر کی تعلیمی پسماندگی کی وجہ طلباء کی تعلیمی میدان میں حائل رکاوٹیں ہیں۔ان رکاوٹوں کو دور کیا جائے تاکہ دیامر کے طلباء تعلیمی میدان میں آگے بڑھ سکیں۔ہاسٹل نہ ہونے سے کئی طلباء تعلیم کا سلسلہ جاری نہ رکھ سکے ہیں۔اور تعلیم کو خیر باد کہہ چکے ہیں۔وزیر اعلیٰ فوری طور پر طلباء کے مشکلات کو دور کرنے کے لئے متعلقہ اداروں کو ہدایات دیں۔
