چلاس شہر کی سڑکوں پر پالتو جانوروں کا راج، دن بھر مٹر گشت کرتے جانور ٹریفک کا نظام خراب کر رہے ہیں

چلاس(بیورورپورٹ)چلاس شہر میں پالتو جانوروں کا راج بدستور جاری ہے،شہر کے مختلف چوراہوں اور سڑکوں پر دن بھر پالتو جانور مٹر گشت کرتے دیکھائے دیتے ہیں ،جس کی وجہ سے ٹرفیک کی روانی میں بھی خلل پڑتا ہے ،ضلعی انتظامیہ کی جانب سے اب تک پالتو جانوروں کی شہر میں داخلے پر پابندی کے حوالے سے مالکان کو کوئی نوٹس جاری نہیں کیا گیا ہے ۔

چلاس شہر کے عوامی حلقوں نے ڈی سی دیامر اور چیف آفیسر بلدیہ سے مطالبہ کیا ہے کہ وہ نوٹس لیکر چلاس شہر میں پالتو جانوروں کے داخلے پر پابندی لگائیں ،تاکہ شہری سکھ کا سانس لے سکیں ۔

Print Friendly, PDF & Email

آپ کی رائے

comments