ایم ڈی نیٹکو  نے بغیر اطلاع جگلوٹ کارگو آفس کا دورہ کیا، ٹرکوں کی مرمت کے احکامات جاری

ایم ڈی نیٹکو نے بغیر اطلاع جگلوٹ کارگو آفس کا دورہ کیا، ٹرکوں کی مرمت کے احکامات جاری

11 views
0
Share on FacebookTweet about this on TwitterShare on LinkedInPin on PinterestShare on Google+

گلگت: ناردرن ایریازٹرانسپورٹ کارپوریشن کے منیجنگ ڈائریکٹر محمد حسین کا اچانک جگلوٹ کارگو آفس کا دورہ، قابل مرمت ٹرکوں کا ہنگامی بنیادوں پر مرمت کرانے کے احکامات،کسی بھی وقت کسی بھی سٹیشن کا بغیر اطلاع دئیے دورہ کروں گا۔ تفصیلات کے مطابق ناردرن ایریازٹرانسپورٹ کارپوریشن کے منیجنگ ڈائریکٹر محمد حسین نے بغیر کسی اطلاع کے جگلوٹ کارگو آفس کادورہ کیا ۔اس دورے کے موقع پر انہوں نے ہنگامی بنیادوں پر قابل مرمت ٹرکوں کی فوری مرمت کے بعد انہوں آن روٹ کرنے کے احکامات دئیے۔

اس دورے کے موقع پر انہوں نے کارگو آفس کے مختلف دفاتر کا معائنہ بھی کیا۔کارگو آفس جگلوٹ کے منیجر نے انہیں کارگو کے مسائل بیان کئے جن پر ایم ڈی نیٹکو نے موقع پر ہی احکامات صادر کرتے ہوئے کہا کہ آئندہ ٹرکوں کے ٹائرز اور بیٹریز گلگت کی بجائے جگلوٹ ہی سے ایشو کیا جائے۔

14958808_10154080417376134_2123574634_n

ملازمین سے گفتگو کرتے ہوئے انہوں نے کہا کہ ادارے کی ترقی کے لئے ہمیں مل کر اپنا پیشہ ورانہ کردار ادا کرنا ہوگا۔آئندہ ادارے میں ان ملازمین کی حوصلہ افزائی کی جائے گی جن کی کارکردگی اچھی ہوگی۔انہوں نے کہا کہ وزیر اعلیٰ گلگت بلتستان کی ہدایات کی روشنی میں جگلوٹ اور نیٹکو کے دیگر تمام دفاتر میں عنقریب بائیو میٹرک آن لائن حاضری کے نظام کو متعارف کرایا جارہا ہے۔ملازمین اپنی حاضری کو یقینی بنائیں۔اس دورے کے موقع پر انہوں نے نیٹکو شل پمپ کا بھی دورہ کیا ۔اور ملازمین کو ہدایت کی کہ وہ تندہی سے ادارے کی ترقی کے لئے کام کریں۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔