چلاس، محکمہ واٹر سپلائی میں چار سالوں سے خالی پوسٹ پر سپروائزر کی تعیناتی کامطالبہ

چلاس(بیورورپورٹ)واٹر سپلائی میں سپروائزر اور فورمین کی تعیناتی سنیارٹی کی بنیاد پر فوری کی جائے۔واٹر سپلائی ہیڈ کوارٹر چلاس، داریل و تانگیر میں گزشتہ چار سالوں سے سپروائزر کی آسامی خالی پڑی ہے۔ان خیالات کا اظہار جملہ سٹاف واٹر سپلائی چلاس داریل تانگیر نے اجلاس کے بعداپنی جاری کردہ پریس ریلیز میں کیا۔انکا مزید کہنا ہے کہ سپر وائزر کی عدم موجودگی سے امور بری طرح متاثر ہو رہے ہیں۔واٹر سپلائی میں کسی اور سیکشن سے سپروائزر لایا گیا تو تمام ملازمین احتجاجی تحریک چلانے سمیت راست اقدام پر مجبور ہونگے۔فوری طور پر سپروائزر کی تعیناتی یقینی بناکر ملازمین کو اپنی ذمہ داریاں خوش اسلوبی سے سر انجام دینے کا سلسلہ جاری رکھنے دیا جائے۔۔۔۔

Print Friendly, PDF & Email

آپ کی رائے

comments