بروغل کے لوگ ساڑھے تین فٹ برف میں پھنس کر انتہائی مشکل حالات سے دوچار

Share on FacebookTweet about this on TwitterShare on LinkedInPin on PinterestShare on Google+

چترال ( محکم الدین ) ویلج ناظم بروغل امین جان تاجک اور کونسلریارخون لشٹ نادر خان نے وفاقی و صوبائی حکومت ، چیرمین این ڈی ایم اے اور پی ڈی ڈی ایم اے سے اپیل کی ہے ۔ کہ بروغل کے لوگ ساڑھے تین فٹ برف میں پھنس کر انتہائی مشکل حالات سے دوچار ہیں ۔ اس لئے فوری طور پر اُنہیں بچانے کیلئے خوراک اور ڈسپنسریوں میں ادویات پہنچائی جائیں ۔بروغل سے چار دن پیدل چل کر چترال پہنچنے کے بعد انہوں نے میڈیا کو بتایا ۔ کہ علاقے میں شدید برفباری کی وجہ سے زندگی مفلوج ہو چکی ہے ۔ لوگ موت و حیات کے کشمکش میں ہیں ۔ سردی کی وجہ سے مختلف بیماریوں نے علاقے کو اپنی لپیٹ میں لے لیا ہے ، جبکہ دو ڈسپنریوں میں ادویات نام کی کوئی چیز موجود نہیں ۔ علاج نہ ہونے کے باعث دو ہفتوں کے دوران تین افراد جان بحق ہو چکے ہیں ۔ اور علاج و ادویات دستیاب نہ ہونے کی صورت میں مزید ہلاکتوں کا خدشہ ہے ۔ لوگوں کے پاس کھانے کو کچھ نہیں ۔ انہوں نے کہا ۔ کہ بروغل کو جانے والے راستے میں دوبارگر ، رواک ، شوشت اور ویدین کھوت کے مقامات پر برف کے بڑے بڑے تودے گرے ہیں ۔ اور بروغل کے لوگوں کو روڈ بند ہونے کی وجہ سے 80کلومیٹر برف پر پیدل چلنا پڑتا ہے ۔ اس لئے خوراک کی ترسیل ناممکن ہو چکی ہے ۔ علاقے میں خوراک کی شدید قلت ہے ۔ انہوں نے کہا کہ بروغل کی 240گھرانوں پر مشتمل آبادی انتہائی مشکل حالات سے دوچار ہیں ۔ اور حکومت کی طرف سے ہنگامی بنیادوں پر بذریعہ ہیلی کاپٹر امداد کے منتظر ہیں ۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

بروغل کے لوگ ساڑھے تین فٹ برف میں پھنس کر انتہائی مشکل حالات سے دوچار” ایک تبصرہ

تبصرے بند ہیں