گلگت بلتستان کے ہوٹلوں کو انڈسٹری کا درجہ دیا جائے۔ گلگت بلتستان ہوٹل ایسو سی ایشن

گلگت بلتستان کے ہوٹلوں کو انڈسٹری کا درجہ دیا جائے۔ گلگت بلتستان ہوٹل ایسو سی ایشن

8 views
0
Share on FacebookTweet about this on TwitterShare on LinkedInPin on PinterestShare on Google+

گلگت (بیورورپورٹ ) گلگت بلتستان ہوٹل ایسو سی ایشن نے حکومت سے مطالبہ کیا ہے کہ گلگت بلتستان ہوٹلوں کو ہوٹل انڈسٹری کا درجہ دیا جائے اور گلگت بلتستان ہوٹل مالکان کو وہ تمام حقوق دئے جائیں جو ملک کے دیگر صوبوں کے ہوٹل مالکان کو حاصل ہیں۔ صوبائی حکومت کے امن دوست اقدامات کی وجہ سے گلگت بلتستان میں ہوٹل انڈسٹری زندہ ہوگئی ہے۔ علاقے میں امن و امان کی بہتر صورتحال کیوجہ سے ملکی و غیر ملکی سیاحوں نے گلگت بلتستان کا رخ کیا۔ان خیالات کا اظہار صدر ہوٹل ایسو سی ایشن ناصر علی مقپون نے ہوٹل ایسو سی ایشن کے ایک مشترکہ اجلاس سے خطاب کرتے ہوئے کیا۔ انہوں نے کہا کہ حکومت کے اچھے اقدامات کیوجہ سے گلگت بلتستان کے ہوٹل مالکان نےبہتر آمدن کیوجہ سے سکھ کا سانس لیا ہے۔ ہوٹل ما لکان بھی گلگت بلتستان محکمہ سیاحت کے ساتھ رجسٹرڈ ہونا چاہتے ہیں۔ محکمہ سیا حت ہوٹلوں کو انڈسٹری کادرجہ دیکر گلگت بلتستان کے ہوٹل مالکان کے بنیادی مطالبہ منظور کرے تاکہ گلگت بلتستان میں ہوٹلوں کو دیگر صوبوں کی طرح ہوٹل انڈسٹری کا درجہ مل سکیں۔ انہوں نے کہا کہ تحصیل کا عملہ صفائی کے نام پہ ہوٹلوں پہ چھاپے مارتے ہیں اور ہزاروں روپے جرمانے کرتے جسکی وجہ سے ہوٹل مالکان کو شدید مالی نقصان کا سامنا ہوتا ہے ۔ کئی مالکان نے جیل کی ہوا بھی کھائی ہے۔ وزیر اعلیٰ اس سلسلے کا نوٹس لیں اور ہوٹل مالکان کے تحفظات کو دور کریں۔

Share on FacebookTweet about this on TwitterShare on LinkedInPin on PinterestShare on Google+

آپ کی رائے

comments

About author

پامیر ٹائمز

پامیر ٹائمز گلگت بلتستان، کوہستان اور چترال سمیت قرب وجوار کے پہاڑی علاقوں سے متعلق ایک معروف اور مختلف زبانوں میں شائع ہونے والی اولین ویب پورٹل ہے۔ پامیر ٹائمز نوجوانوں کی ایک غیر سیاسی، غیر منافع بخش اور آزاد کاوش ہے۔